BAMAKO, Mali
WAZIRI wa Ulinzi wa Mali, Sadio Camara, ameuawa katika shambulizi la kujitoa muhanga lililotekelezwa nje ya nyumba yake mjini Bamako.
Vyanzo mbalimbali vya habari vimeeleza kuwa kifo cha Camara ni sehemu ya mashambulizi ya vikundi vya kigaidi vilivyoota mizizi nchini humo.
Televisheni ya Taifa ya Mali imethibitisha kifo chake, ikieleza kuwa kilisababishwa na majeraha makubwa aliyopata katika shambulizi hilo.
Taarifa zaidi zinaeleza kuwa kiongozi wa jeshi anayeiongoza nchi hiyo, Jenerali Assimi Goita, amefichwa baada ya nyumba yake kuzingirwa na waasi.
Katika hatua nyingine, vikosi vya jeshi la Urusi vilivyopo Mali kwa ajili ya kulinda usalama, vimeripotiwa kuondoka mjini Kidal baada ya kuzidiwa na waasi wa Azawad Liberation Front (FLA).
Kwa miaka mingi, Mali imekuwa ikiandamwa na jinamizi la hali mbaya ya usalama inayotokana na utitiri wa vikundi vya kigaidi vinavyohusishwa na al-Qaeda na IS.
