LONDON, Uingereza
HUENDA kocha raia wa Italia, Antonio Conte, akarejea kuliongoza benchi la ufundi la Chelsea lililoachwa wazi na Liam Rosenior.
Conte anainoa Napoli kwa sasa lakini zipo taarifa kuwa ataondoka klabuni hapo mwishoni mwa msimu huu.
Mkataba wake na vigogo hao wa Serie A utafikia ukomo mwishoni mwa msimu ujao (2027-28).
Alikuwa na mafanikio makubwa msimu uliopita, ambapo aliipa Napoli taji la Ligi Kuu hiyo ya Italia.
Kwa siku za hivi karibuni, Conte amekuwa akihusishwa na kibarua cha kuinoa timu ya taifa ya Italia.
