MACHI 3, 2013
 |
| kundi la Simba |
DODOMA
Simba sita na Fisi zaidi ya 100 wamekufa baada ya kulishwa simu iliyowekwa kwenye nyama pembezoni mwa Hifadhi ya Ruaha.
Pamoja na wanyama hao, ndege zaidi 100 nao wamekufa baada ya kula mizoga ya Simba na Fisi iliyowekewa sumu na wafugaji, wiki tatu zilizopita.
Mauaji hayo ya wanyama wamebainishwa na Waziri wa Maliasili na Utalii, Dk. Hamis Kigwangalaah alipokuwa akizungumza katika maadhimisho ya siku ya wanyamapori duniani mjini hapa.
 |
| Kundi la Fisi |
Akizungumza katika maadhimisho hayo, Waziri Kigwangallah alieleza kusitikishwa na mauaji hayo ya wanyama na ndege aliyoyaita kuwa ya kulipiza kisasi.
Alionya kuwa Serikali itachukua hatua kali kwa watu wanaoua wanyama jamii ya paka wakubwa kwa sababu wapo katika hatari ya kutoweka.
Alisema, wakati wanyama wa jamii ya paka wakubwa wakiwa katika hatari ya kutoweka, Faru na Tembo wamekuwa katika hatari hiyo kwa muda mrefu.
Kwa mujibu wa takwimu za Taasisi ya Wanyapori (Tawiri) Tanzania kuna Simba 16,800, Chui 25,000 na Duma 1180.
Biashara ya utalii hapa nchini inachangia asilimia 18 ya pato la taifa na asilimia 25 ya fedha za kigeni huku akitoa ajira kwa watu 500,000 za moja kwa moja na ajira zisizokuwa za moja kwa moja zaidi ya milioni mbili.
