MANCHESTER, Uingereza
KOCHA wa Manchester United, Michael Carrick, amesema bado haijafahamika kama Marcus Rashford atarudi klabuni hapo au atabaki Barcelona anakocheza kwa mkopo.
Rashford hajaitumikia Man United tangu Desemba, 2024, ikiripotiwa kuwa alikorofishana na aliyekuwa kocha wa hiyo, Ruben Amorim.
Nyota huyo alipelekwa kwa mkopo Aston Villa, kabla ya kuhamishiwa Barcelona, ambako hajaweza kujihakikishia nafasi ya kuanza kikosini.
Licha ya kuingia na kutoka katika kikosi cha kwanza, Rashford amefunga mabao 12 na kutoa ‘asisti’ 10 katika mechi 43 za mashindano mbalimbali.
Kwa mujibu wa makubaliano yao na Man United, Barcelona wanaweza kumsajili moja kwa moja endapo wataweka mezani kitita cha Pauni milioni 26.
Imeandaliwa na Hassan Mwasha
