LONDON, Uingereza
ARSENAL ya Kaskazini mwa Jiji la London imeonesha nia ya kumsajili winga anayefanya vizuri Ligi Daraja la Kwanza England (Championship) akiwa na Leicester City, Jeremy Monga.
Monga (16), amekuwa kwenye kiwango bora tangu alipopandishwa timu ya wakubwa ya Leicester mwishoni mwa msimu uliopita.
Nyota huyo anayecheza pia eneo la kiungo wa kati, ameingia kikosi cha kwanza mara tisa msimu huu wa Championship.
AS Roma, Bayern Munich, Atletico Madrid na Manchester United zimeripotiwa pia kuitolea macho huduma ya kinda huyo.
Hata hivyo, Leicester wametajwa kutokuwa na mpango wa kukaa mezani wala kupokea ofa ya klabu yoyote inayomtaka Monga mwishoni mwa msimu huu.
imeandaliwa na Hassan Mwasha
