MERSEYSIDE, Uingereza
LIVERPOOL imeungana na klabu zingine kubwa za Ulaya zinazomtolea macho kiungo wa Crystal Palace, Adam Wharton.
Mtandao wa talkSPORT umeripoti kuwa nyota hiyo anatarajiwa kuondoka Palace mwishoni mwa msimu huu.
Klabu yake hiyo ya Kusini mwa Jiji la London imeripotiwa kuhitaji kitita cha Pauni milioni 80 ili kumwachia.
Achilia mbali Manchester City, Inter Milan nayo inamtolea macho mchezaji huyo wa kimataifa wa England.
Wakati wa usajili wa dirisha dogo wa Januari, 2026, Real Madrid nao walitajwa kutenga Pauni milioni 85 za kuinasa huduma yake.
Imeandaliwa na Hassan Mwasha
