ISTANBUL, Uturuki
RAIS wa Uturuki, Recep Tayyip Erdogan, amesema vita kati ya Iran na Marekani vimeanza kulidhohofisha Bara la Ulaya.
Tayyip Erdogan ameyasema hayo katika mazungumzo yake kwa njia ya simu na Rais wa Ujerumani, Frank-Walter Steinmeier.
Taarifa ya Ikulu ya Uturuki imeeleza kuwa viongozi hao walifanya mazungumzo hayo juzi Aprili 21, 2026.
Mbali ya kuzungumzia namna ya kuimarisha uhusiano wa Uturuki na Ujerumani, pia waligusia mgogoro huo wa Mashariki ya Kati.
“Rais Erdoaan alisema kuwa vita hivyo vimeanza kuidhohofisha Ulaya na kama hatua hazitochuliwa, basi hali itakuwa mbaya zaidi,” ilieleza taarifa hiyo.
Bado viongozi wa Marekani na Iran hazijafikia makubaliano ya kukaa tena mezani kusaka suluhu tangu waliposhindwa kufikia mwafaka katika mazungumzo ya awali mjini Islamabad.
