Waziri wa Habari, Utamaduni, Sanaa na Michezo, Mhe. Paul Christian Makonda, ameomba Bunge kuidhinisha jumla ya Shilingi 525,327,857,000 kwa ajili ya bajeti ya Wizara hiyo kwa mwaka wa fedha 2026/2027.
Akiwasilisha makadirio ya mapato na matumizi bungeni jijini Dodoma, Waziri amesema fedha hizo zitatumika kutekeleza majukumu ya Wizara katika sekta za habari, utamaduni, sanaa na michezo kwa mwaka huo wa fedha.
Kwa mgawanyo wa bajeti hiyo, Shilingi 39,071,597,000 zimetengwa kwa mishahara, Shilingi 28,065,472,000 kwa matumizi mengineyo, na Shilingi 458,190,778,000 kwa miradi ya maendeleo.
