BEIRUT, Lebanon
MWANAJESHI wa Israel aliyeonekana akiharibu sanamu ya Yesu wakati wa operesheni yao nchini Lebanon ameanza kuchunguzwa.
Waziri Mkuu wa Israel, Benjamin Netanyahu, amelaani kitendo kilichofanywa na mwanajeshi huyo, akisema ameshangazwa na kusikitishwa.
Katika picha zilizosambaa mitandaoni, ambazo Israel imekiri kuwa siyo za kutengeneza, mwanajeshi huyo ameonekana akipiga kichwa cha sanamu hilo kwa nyundo.
Israel haikuweka wazi eneo la tukio, ingawa inafahamika kuwa wanajeshi wake wana udhibiti mkubwa maeneo ya Kusini mwa Lebanon.
Aidha, Netanyahu amesema tayari mamlaka za Israel zimeanza uchunguzi juu ya tukio hilo ili kumchukulia hatua mwanajeshi huyo.
Kama hiyo haitoshi, jeshi la Israel limewaahidi wakazi wa eneo hilo kuwa litagharamia ukarabati wa sanamu lao.
