Beijing, China
Rais wa China, Xi Jinping, amekutana na Mwenyekiti wa Abu Dhabi na Rais wa Falme za Kiarabu (UAE), Sheikh Mohammed bin Zayed Al Nahyan, katika ziara rasmi inayofanyika nchini China.
Katika mkutano huo, viongozi hao walijadili kwa kina namna ya kuimarisha ushirikiano wa kimkakati kati ya China na UAE, hususan katika sekta mbalimbali zenye mchango mkubwa katika kukuza maendeleo ya kiuchumi na maslahi ya pande zote mbili.
Mbali na masuala ya kiuchumi, Xi Jinping na Sheikh Mohammed bin Zayed pia walizungumzia agenda za kikanda na kimataifa, wakisisitiza umuhimu wa kuendelea kudumisha utulivu na usalama duniani.
Viongozi hao walieleza kuwa kuna haja ya kuendelea kuunga mkono juhudi za kutatua migogoro kwa njia ya amani, wakiamini kuwa njia hiyo ndiyo msingi wa kuimarisha ustawi na maendeleo ya dunia kwa ujumla.
Ziara ya Sheikh Mohammed bin Zayed nchini China inaelezwa kuwa ni sehemu ya mkakati mpana wa kuimarisha uhusiano wa kidiplomasia na kiuchumi kati ya mataifa hayo mawili, ambao umeendelea kukua kwa kasi katika miaka ya hivi karibuni.
Imeandaliwa na Razaki Mkuluma
About The Author
