TEHRAN, Iran
NI Waziri wa Mambo ya Nje wa Iran, Abbas Araghchi, ambaye ameitupia lawama Marekani akisema imekuwa ikitibua jitihada zote za kidiplomasia za kumaliza mgogoro uliopo kati ya mataifa hayo.
Wakati huo huo, Araghchi ameeleza kuwa Iran haitoendeshwa na presha inayopewa na Marekani, akilenga mashambulizi yanayoendelea katika Mlango-Bahari wa Hormuz.
Licha ya meli zinazopita katika Mlango-Bahari huo kuendelea kushambuliwa kwa mabomu, Rais Donald Trump amedai bado makubaliano ya kusitisha vita yanaheshimiwa.
Tayari Serikali ya Marekani imepeleka mapendekezo yenye kurasa moja kwa Iran juu ya kumaliza vita, kwa mujibu wa Katibu Mkuu wa Ikulu ya Marekani, Marco Rubio.
Iran inadhibiti Mlango-Bahari wa Hormuz, wakati huo pia Marekani ikiwa imepeleka wanajeshi wake eneo hilo kwa ajili ya kuzilinda meli zinazokatiza.
Mlango-Bahari huo ni eneo nyeti katika uchumi wa dunia kuwa asilimia 20 ya mafuta hupita hapo kwa usaifiri wa meli.
