LONDON, Uingereza
MECHI za marudiano hatua ya robo fainali ya msimu huu wa Ligi ya Europa zilimalizika usiku wa jana Aprili 16, 2026.
Hivyo, timu nne zinazosubiri kuumana katika hatua ya nusu fainali ni Aston Villa, Braga, Nottingham Forest na Freiburg.
Aston Villa ilivuka robo fainali baada ya ushindi wa mabao 4-0 dhidi ya Bologna. Villa ilishinda mabao 3-1 katika robo fainali ya kwanza.
Nottingham Forest wakiwa nyumbani jana, waiitandika FC Porto bao 1-0, matokeo yaliyotanguliwa na sare ya bao 1-1 katika mechi ya kwanza iliyochezwa Ureno.
Braga wametinga nusu fainali kwa kuifunga Real Betis mabao 4-2 baada ya sare ya bao 1-1 katika robo fainali ya kwanza.
Kwa upande wao, Freiburg walijihakikishia tiketi ya nusu fainali kwa kuifunga Celta Vigo mabao 3-1. Mchezo wa kwanza walishinda mabao 3-0.
Mechi za kwanza hatua ya nusu fainali zitachezwa Aprili 30, 2026, ambapo Villa wataivaa Nottingham, wakati Braga ‘watakiwasha’ na Freiburg.
