LOS ANGELES, Marekani
WIZARA ya Uhamiaji ya Uholanzi imeweka wazi kuwa haitomnyima rapa Kanye West kibali cha kuingia nchini humo.
Uholanzi imeibuka na taarifa hiyo baada ya Kanye kuzuiwa kuingia Uingereza kwa ajili ya kutumbuiza katika Tamasha la Wireless.
Kuzuiwa kwake kunatokana na kauli za kibaguzi alizowahi kuzitoa dhidi ya jamii ya Kiyahudi.
Hata hivyo, Uholanzi kupitia kwa Waziri wa Uhamiaji, Bart van den Brink, haioni sababu ya kumzuia staa huyo kuingia nchini kwao.
Taarifa ya Uholanzi inakuja wakati Kanye akijiandaa kwenda nchini humo kwa ajili ya ‘shoo’ itakayofanyika Juni 6-8, 2026.
