LONDON, Uingereza
KATIKA kukusanya mkwanja wa kufanikisha usajili wa staa wa Atletico Madrid, Julian Alvarez, Arsenal imepanga kuwauza Gabriel Jesus na Kai Havertz.
Arsenal wanatambua mtihani mkubwa uliopo mbele yao kwani matajiri wa PSG nao wanamtolea macho Alvarez.
Alvarez, raia Argentina mwenye umri wa miaka 26, ameshafunga mabao 18 msimu huu na Atletico imesisitiza mara kadhaa kuwa mchezaji huyo hauzwi.
Hata hivyo, taarifa kutoka Hispania zimeeleza kuwa Atletico watakubali kumwachia endapo itajitokeza klabu yenye kitita cha euro milioni 120.
Kwa upande wao, Arsenal wanaamini kuwauza washambuliaji wawili, Jesus na Havertz, kutawapa fedha za kutosha kukamilisha dili hilo mwishoni mwa msimu huu.
Imeandaliwa na Hassan Mwasha
About The Author
