MIAMI, Marekani
KOCHA mpya wa Inter Miami, Guillermo Hoyos, amesema urafiki wake na Lionel Messi haumaanishi kuwa atamlegezea mazoezini.
Hoyos mwenye umri wa miaka 62, amekabidhiwa mikoba ya kuinoa Inter Miami anayocheza mshambuliaji huyo.
Urafiki wake na Messi ulianzia wakati Hoyos akiwa Barcelona, Messi akicheza timu za vijana klabuni hapo.
Kabla ya kupewa mikoba ya ukocha iliyoachwa na Javier Mascherano aliyejiuzulu hivi karibuni, aliwahi kuwa Mkurugenzi wa Michezo wa Inter Miami.
Akizungumza baada ya kuajiriwa katika nafasi ya ukocha, amesema: “Urafiki haupingiki. Tuna urafiki wa miaka mingi.
“Hata hivyo, urafiki wetu haumaanishi kuwa nitalegeza baadhi ya misimamo yangu kama kocha kwa kumtazama usoni kila siku.”
Imeandaliwa na Hassan Mwasha
About The Author
