Rais wa Umoja wa Falme za Kiarabu (UAE), Sheikh Mohammed bin Zayed Al Nahyan, amefanya mazungumzo na Mfalme wa Bahrain, Hamad bin Isa Al Khalifa, ambapo walijadili uhusiano kati ya mataifa hayo mawili pamoja na njia mbalimbali za kuimarisha ushirikiano.
Mazungumzo hayo yalihudhuriwa pia na Sheikh Hamdan bin Mohammed bin Rashid Al Maktoum, ambaye ni Mrithi wa Kiti cha Ufalme wa Dubai.
Taarifa zinaeleza kuwa mazungumzo hayo yalifanyika wakati wa ziara rasmi ya Rais wa UAE nchini Bahrain, ikiwa ni sehemu ya juhudi za kuimarisha uhusiano wa kidiplomasia na kupanua fursa za ushirikiano katika sekta mbalimbali.
Aidha, viongozi hao wawili walijadili hali ya kisiasa na kiusalama katika eneo la Mashariki ya Kati pamoja na athari zake kwa utulivu wa kikanda. Waligusia pia masuala ya usalama wa njia za kimataifa za usafirishaji, upatikanaji wa nishati, na mchango wake katika uchumi wa dunia.
Mazungumzo hayo yamelenga kuimarisha mshikamano na ushirikiano wa karibu kati ya UAE na Bahrain katika kukabiliana na changamoto za kikanda na kimataifa.
About The Author
