TOTTENHAM WAMKARIBISHA SAVINHO KUTOKA MANCHESTER CITY

‎Klabu ya Tottenham Hotspur imepiga hatua kubwa katika harakati za kumsajili Sávio Moreira de Oliveira kutoka Manchester City wakati wa dirisha hili la usajili.
‎
‎Kwa mujibu wa taarifa zilizochapishwa na Fabrizio Romano, mazungumzo kati ya pande husika yanaendelea vizuri huku Savinho akionekana kuwa tayari kuhamia Tottenham.
‎
‎ Winga huyo wa kimataifa wa Brazil amekuwa akifuatiliwa na Spurs kwa muda mrefu tangu msimu uliopita.
‎
‎Inaelezwa kuwa Tottenham tayari wanafanya mazungumzo kuhusu masuala binafsi ya mchezaji huyo na wana matumaini makubwa ya kufanikisha usajili huo.
‎
‎Kwa upande mwingine, Manchester City haina pingamizi la kumuuza Savinho ikiwa itapokea ofa itakayoridhisha.
‎
‎Savinho, ambaye anajulikana kwa kasi, uwezo wa kupiga chenga na kutengeneza nafasi za mabao, anaonekana kuwa mmoja wa wachezaji wanaolengwa kuimarisha safu ya ushambuliaji ya Tottenham kuelekea msimu mpya.
‎
‎Hata hivyo, hadi sasa hakuna makubaliano rasmi yaliyotangazwa, na mazungumzo yanaendelea kati ya klabu hizo mbili huku mashabiki wakisubiri kuona hatma ya nyota huyo wa Brazil.