MADRID, Hispania
KOCHA anayefanya vizuri Ligi Kuu ya England (EPL) akiwa na kikosi cha Aston Villa, Unai Emery, anafukuziwa na Real Madrid.
Emery bado ana mkataba na Villa unaotarajiwa kufikia ukomo mwaka 2029. Alijiunga na timu hiyo mwaka 2022.
Madrid wanasaka kocha mpya kwa ajili ya msimu ujao, ambaye atachukua mikoba ya Alvaro Arbeloa anayetarajiwa kuachia ngazi mwishoni mwa msimu huu.
Kwa upande wake, Emery si jina geni Ligi Kuu ya Hispania (LaLiga), ambapo aliwahi kuzinoa Almeria, Valencia, Sevilla na Villarreal.
Pia, kama itakumbukwa, kwa nyakati tofauti aliwahi kufanya kazi kwenye mabenchi ya ufundi ya klabu za Arsenal na PSG.
Katika hatua nyingine, Rais wa zamani wa Madrid, Ramon Calderon, amesema hana uhakika kama Emery ni chaguo sahihi kwa klabu hiyo.
