MUNICH, Ujerumani
MABOSI wa klabu ya Bayern Munich hawafikirii kumsajili mshambuliaji wa Manchester United anayecheza kwa mkopo Barcelona, Marcus Rashford.
Rashford (28), amekuwa na kiwango bora katika siku za hivi karibuni, ikielezwa kuwa Man United inataka kumrejesha kikosini kwa ajili ya msimu ujao.
Nyota huyo wa kimataifa wa England, amefunga mabao saba katika mechi 28 za La Liga msimu huu.
Barcelona wanapaswa kulipa Pauni milioni 26 ili kumsajili moja kwa moja lakini hawaonekani kuwa na mpango huo.
Bayern wamekuwa wakihusishwa naye kwa muda mrefu lakini taarifa mpya zinadai kuwa hawana mpango huo, na badala yake wanamtaka winga wa Newcastle United, Anthony Gordon.
